АПЛ 5-туридан ўрин олган “Манчестер Сити” ва “Арсенал” учрашувида дуранг қайд этилди – 2:2. "Арсенал" учрашувнинг иккинчи ярмида ҳужум қилиш ҳақида ўйламади ва тўпга эгалик қилиш бўйича антирекордни такрорлашга яқин эди.
Ўйиндан сўнг "Манчестер Сити" бош мураббийи Пеп Гвардиола ва жамоа футболчилари "Арсенал"ни вақтни атайин чўзишганликда айблади.
Артета "Манчестер Сити"нинг шикоятларига жавоб бериб, унда Премьер-лига чемпионларининг ўз усуллари ҳақида "барча маълумотлар" борлигини айтди. Артета Гвардиоланинг ёрдамчиси сифатида уч ярим мавсум ишлаган.
"Мен илгари у ерда ишлаганман. Мен у ерда тўрт йил ишладим. Менда барча маълумотлар бор. Шу сабабли, мен уларнинг усуллари ҳақида биламан. Менга ишонинг", - деди Артета The Mirror билан суҳбатда.
