"Челси" ҳужумчиси Кристофер Нкунку жорий мавсум бошланишини аввалги мавсум билан солиштирди. Эслатиб ўтамиз, "кўклар" Англия премьер-лигасининг дастлабки 5 турида 15 очкодан 10 очко жамғарганди. Жамоа турнир жадвалида бешинчи ўринни эгаллаб турибди.
"Ўтган йили биз мавсумни ёмон бошлагандик. Ҳозир биз шунчаки вазиятдан завқ олишни ва мухлисларимизни хурсанд қилиш учун худди шундай руҳда давом этишни истаймиз", - дея Нкунку сўзларини келтирмоқда "Челси" расмий сайти.
Нкунку кеча "Барроу"га қарши Лига кубоги баҳсида хет-трик қайд этди.
