"Барселона" вингери Ламин Ямал ўзининг голлар сериясини ва голли узатмаларни давом эттира олмади.
17 ёшли футболчи Ла Лига доирасидаги "Хетафе"га қарши баҳсда ўйнади, аммо голларда бевосита иштирок этмади.
Учрашув “кўк-анорранглилар”нинг 1:0 ҳисобидаги ғалабаси билан якунланди ва ягона аниқ зарбани Роберт Левандовски амалга оширди.
Ямал учун бу жорий мавсумдаги гол ва голли узатмасиз биринчи ўйин бўлди. Испаниялик футболчи “Барселона”нинг олдинги етти учрашувининг ҳар бирида доимий равишда гол урган ёки жамоадошларига ассистентлик қилган.
Ламин Ямал жорий мавсумда саккизта ўйинда тўртта гол ва бешта голли узатмани амалга оширди.
