"Арсенал" бош мураббийи Микель Артета вингер Раҳим Стерлингнинг ўйини ҳақида фикр билдирди. Чоршанба куни "канонирлар" Лига кубоги доирасида "Болтон" билан учрашди.
Стерлинг "Арсенал"нинг асосий таркибида илк бор майдонга тушди ва мураббий ишончини оқлаб, гол ва голли узатмани амалга оширди. Учрашув 5:1 ҳисобида пойтахтликларнинг ғалабаси билан якунланди.
"У жуда яхши эди. Ўйлайманки, вақт ўтиши билан у яхшироқ кўринади ва жисмоний тайёргарлик борасида олдинга қадам ташлайди. Ўйин очиқроқ бўлиши билан Раҳимнинг нималарга қодирлиги, ўзини қандай кўрсата олиши маълум бўлди. У бир нечта голларга ҳисса қўшди, шунинг учун бу унинг учун жуда ижобий оқшом бўлди", - дейди Артета Football.London.
