"Arsenal" bosh murabbiyi Mikel Arteta vinger Rahim Sterlingning o‘yini haqida fikr bildirdi. Chorshanba kuni "kanonirlar" Liga kubogi doirasida "Bolton" bilan uchrashdi.
Sterling "Arsenal"ning asosiy tarkibida ilk bor maydonga tushdi va murabbiy ishonchini oqlab, gol va golli uzatmani amalga oshirdi. Uchrashuv 5:1 hisobida poytaxtliklarning g‘alabasi bilan yakunlandi.
"U juda yaxshi edi. O‘ylaymanki, vaqt o‘tishi bilan u yaxshiroq ko‘rinadi va jismoniy tayyorgarlik borasida oldinga qadam tashlaydi. O‘yin ochiqroq bo‘lishi bilan Rahimning nimalarga qodirligi, o‘zini qanday ko‘rsata olishi ma’lum bo‘ldi. U bir nechta gollarga hissa qo‘shdi, shuning uchun bu uning uchun juda ijobiy oqshom bo‘ldi", - deydi Arteta Football.London.
