Лондоннинг «Челси» клуби Леверкузеннинг «Байер» клуби ҳужумчисига эътибор қаратмоқда. "Team Talk" хабарига кўра, "кўклар" "доришунослар" ҳужумчи Виктор Бонифасени сотиб олмоқчи.

Эслатиб ўтамиз, ёзги трансфер ойнаси вақтида «Челси» яна бир нигериялик форвард Виктор Осимхенни нишонга олган эди, у лондонликларнинг маош шартларидан қониқмади. Натижада ҳужумчи «Наполи»дан ижара асосида «Галатасарой»га ўтди.

Бонифасе Бундеслигада янги мавсумни яхши бошлади ва тўртта ўйинда учта гол урди ва голли узатмани амалга оширди.