2023 йил бошида «Челси» Михаил Мудрикнинг трансфери учун 70 миллион евро сарфлаган эди. Аммо украиналик вингер ҳали ҳам Лондон клубида асосий ўйинчига айлана олмади. Мудрик "аристократлар" сафида 63 та ўйинда 7 та гол урди ва 6 та голли узатмани амалга оширди.
"Todofichajes" хабарига кўра, кўпроқ ўйин вақтини олишни истайдиган Мудрик учун «Марсель»га ижара ечим бўлиши мумкин. Лига 1 клубида Мудрик январь ойида Роберто де Дзерби билан яна бирлашиши мумкин - уларнинг йўллари аввалроқ «Шахтёр»да кесишган.
"Transfermarkt" портали мутахассислари 23 ёшли Михаил Мудрикни 35 миллион еврога баҳоламоқда.
