2023 yil boshida «Chelsi» Mixail Mudrikning transferi uchun 70 million yevro sarflagan edi. Ammo ukrainalik vinger hali ham London klubida asosiy o‘yinchiga aylana olmadi. Mudrik "aristokratlar" safida 63 ta o‘yinda 7 ta gol urdi va 6 ta golli uzatmani amalga oshirdi.
"Todofichajes" xabariga ko‘ra, ko‘proq o‘yin vaqtini olishni istaydigan Mudrik uchun «Marsel»ga ijara yechim bo‘lishi mumkin. Liga 1 klubida Mudrik yanvar oyida Roberto de Dzerbi bilan yana birlashishi mumkin - ularning yo‘llari avvalroq «Shaxtyor»da kesishgan.
"Transfermarkt" portali mutaxassislari 23 yoshli Mixail Mudrikni 35 million yevroga baholamoqda.
