"Барселона" бош мураббийи Ханс-Дитер Флик ўзининг ёндашуви билан футболчиларни ҳайратда қолдирди.
Немис мураббийи жамоа ҳаётига тўлиқ аралашади: у футболчиларни жисмоний ҳолатини билиш учун тинмай қўнғироқ қилади, жароҳат олганлар билан гаплашади, баъзан эса шунчаки ҳаёт ҳақида сўрайди.
Журналист Карлос Монфортнинг сўзларига кўра, мураббийнинг бундай ёндашуви "Барселона"да кўпчиликни ҳайратда қолдирди.
Флик ўйинчилар унинг дўсти бўлмаслиги кераклигини тушунади, лекин у атмосферани диққат билан кузатиб боради ва жамоада тўлиқ бирликка эришади.
