Эдуардо Камавинга «Атлетико Мадрид» билан дербида майдонга қайтиши мумкин.
Мадриднинг «Реал» клуби ярим ҳимоячиси «Аталанта»га қарши Европа Суперкубоги ўйини олдидан машғулотларда тиззасидан жароҳат олиб, мавсум бошидан бери майдонга тушмаяпти.
Журналист Марио Кортегананинг хабар беришича, пайшанба куни Камавинга машғулотларнинг бир қисмини умумий гуруҳ билан ўтказган. Карло Анчелотти ва мадридликлар мураббийлар штаби шанба куни франциялик футболчининг якшанба кунги «Атлетико»га қарши дербида қайдномага киритиш ёки киритмаслик борасида қарор қабул қилишлари кутилмоқда.
