"Ливерпуль" бош мураббийи Арне Слот ўз жамоаси футболчиларини ҳали юз фоиз билмаслигини айтди. Хабарингиз бор, нидерландиялик мутахассис ёзда Юрген Клопп ўрнига мерсисайдликларни қабул қилиб олди.
"Мен ҳар куни футболчиларим ҳақида кўпроқ ва кўпроқ маълумот олишга интиламан. Албатта, биз уларнинг сифатини биламиз ва буни ўйинларда кўриш мумкин. Ҳозирча кўп омадсизликка учрамадик, фақат "Форест"дан мағлуб бўлдик. Биз ҳар куни ўрганишимиз ва муваффақиятсизликка тўғри жавоб беришимиз керак. Ўйинчилар қўлларидан келганини қилишлари учун мослашишга ҳаракат қиламан", деди Слот матбуот анжуманида.
28 сентябрь, шанба куни "Ливерпуль" сафарда АПЛ доирасида "Вулверхэмптон"га қарши ўйин ўтказади.
