Дунёнинг бешинчи ракеткаси Даниил Медведев Пекин шаҳри мезбонлигида ўтаётган ATP турнирида муваффақиятли старт олди.
Россиялик теннисчи биринчи босқичда рейтингнинг 46-поғонасида бораётган франциялик Гаэль Монфисни мағлубиятга учратди - 6/3, 6/4. Даниил теннисчиларнинг ўзаро учрашувлари ҳисобида олдинга чиқиб олди - 3:2.
Тўқсон уч дақиқа давом этган баҳсда Медведев 2, Монфис 1 та эйс зарбани амалга оширган. Қўшхатолар Даниилда кўпроқ бўлди - 8 га 6. Россиялик теннисчи брейклар бўйича устунликка эришди - 5 га 2! Энди у 1/8 финалда яна бир франциялик теннисчи Адриан Маннаринога қарши кортга чиқади.
