Dunyoning beshinchi raketkasi Daniil Medvedev Pekin shahri mezbonligida o‘tayotgan ATP turnirida muvaffaqiyatli start oldi.
Rossiyalik tennischi birinchi bosqichda reytingning 46-pog‘onasida borayotgan fransiyalik Gael Monfisni mag‘lubiyatga uchratdi - 6/3, 6/4. Daniil tennischilarning o‘zaro uchrashuvlari hisobida oldinga chiqib oldi - 3:2.
To‘qson uch daqiqa davom etgan bahsda Medvedev 2, Monfis 1 ta eys zarbani amalga oshirgan. Qo‘shxatolar Daniilda ko‘proq bo‘ldi - 8 ga 6. Rossiyalik tennischi breyklar bo‘yicha ustunlikka erishdi - 5 ga 2! Endi u 1/8 finalda yana bir fransiyalik tennischi Adrian Mannarinoga qarshi kortga chiqadi.
