Ўзбекистон Кубоги финали баҳсига бир ҳафта вақт қолди. Шу боис сиз мухлислар учун Кубок финаллари тарихи ҳақида маълумотларни тақдим қиламиз.

Ўзбекистон Кубоги 1992 йилдан бери ўтказиб келинади. Энг кўп ғолиб чиққан клуб «Пахтакор» бўлиб, унинг ҳисобида 13 та Кубок мавжуд. Ундан кейин «Бунёдкор» ва «Насаф» жамоалари бўлиб, иккаласида 4 тадан қўлга киритилган Кубок бор. «Навбаҳор» ҳамда «Локомотив» эса 3 мартадан Кубокни ютишган. Фарғонанинг «Нефтчи»сида 2 та ютилган Кубок бўлса, ОКМК ҳамда собиқ «Дўстлик» жамоалари 1 тадан Кубокни ютиб тарихга киришган.

Финалларда энг кўп мағлуб бўлган клублар учта бўлиб, булар – «Бунёдкор», «Насаф» ва «Нефтчи» жамоаларидир. Боиси, улар 5 маротаба мағлубиятга учраганлар. 13 марта ғолиб чиққан «Пахтакор» эса Кубок финалларининг 4 тасида ютқазган. ОКМКда 3 та мағлубият бор. «Навбаҳор» 2 марта имкониятни бой берган. Шунингдек, «Темирйўлчи», «Янгиер», «Шўртан», МҲСК, «Динамо», «Трактор» ва «Машъал» клублари Кубок финалига чиқишган ва мағлуб бўлишган. Финалларда ютқазмаган клублар 2 та – «Локомотив» ва «Дўстлик». «Локо» уч марта финалга чиққан ва барчасида ғолиб бўлган. «Дўстлик» эса бир бор ҳал қилувчи ўйинда ўйнаб, ўз мақсадига эришган.

Умуман олганда, Ўзбекистон Кубоги финалида 15 та жамоа иштирок этган, «Андижон» эса уларнинг 16-си бўлиб тарихга киради.

Ўтган йили Кубок финали Қаршидаги «Марказий» стадионда бўлиб ўтган ва унда «Насаф» ОКМКни 1:0 ҳисобида ютган.

Бу йил ҳал қилувчи беллашувда майдонга тушадиган «Навбаҳор» ва «Андижон» ўртасидаги баҳс Кубок финалларининг 32-ўйинига айланади.

Ўзбекистон Кубогининг барча финал ўйинлари:

1992 йил 
«Навбаҳор» – «Темирйўлчи» – 0:0 (пен.б: 6:5)

1993 йил 
«Пахтакор» – «Навбаҳор» – 3:0

1994 йил 
«Нефтчи» – «Янгиер» – 2:0

1995 йил 
«Навбаҳор» – МҲСК – 1:0

1996 йил 
«Нефтчи» – «Пахтакор» – 0:0 (пен.б: 5:4)

1997 йил 
«Пахтакор» – «Нефтчи» – 3:2 (қўш.в)

1998 йил 
«Навбаҳор» – «Нефтчи» – 2:0

1999/2000 йил 
«Достлик» – «Пахтакор» – 4:1

2000/2001 йил 
«Пахтакор» – «Нефтчи» – 2:1

2001/2002 йил 
«Пахтакор» – «Нефтчи» – 6:3 (қўш.в)

2002/2003 йил 
«Пахтакор» – «Насаф» – 3:1

2004 йил 
«Пахтакор» – «Трактор» – 3:2

2005 йил 
«Пахтакор» – «Нефтчи» – 1:0

2006 йил 
«Пахтакор» – «Машъал» – 2:0

2007 йил 
«Пахтакор» – «Қурувчи» – 0:0 (пен.б: 7:6)

2008 йил 
«Бунёдкор» – «Пахтакор» – 3:1 (қўш.в)

2009 йил 
«Пахтакор» – «Бунёдкор» – 1:0

2010 йил 
«Бунёдкор» – «Шўртан» – 1:0

2011 йил 
«Пахтакор» – «Насаф» – 3:1

2012 йил 
«Бунёдкор» – «Насаф» – 3:0

2013 йил 
«Бунёдкор» – «Насаф» – 2:1

2014 йил 
«Локомотив» – «Бунёдкор» – 1:0 (қўш.в)

2015 йил 
«Насаф» – «Бунёдкор» – 2:1

2016 йил 
«Локомотив» – «Насаф» – 1:0

2017 йил 
«Локомотив» – «Бунёдкор» – 1:0

2018 йил 
ОКМК – «Пахтакор» – 3:1

2019 йил 
«Пахтакор» – ОКМК – 3:0

2020 йил 
«Пахтакор» – ОКМК – 3:0

2021 йил 
«Насаф» – «Пахтакор» – 2:1

2022 йил 
«Насаф» – «Навбаҳор» – 2:1 (қўш.в)

2023 йил 
«Насаф» – ОКМК – 1:0

2024 йил 
«Навбаҳор» – «Андижон»...