Ўзбекистон дзюдо федерациясининг махсус ишчи гуруҳи Жиззахда бўлиб, вилоят дзюдоси билан яқиндан танишди.
Хусусан, Федерация раиси ёрдамчиси Алишер Арзиқулов, федерациянинг ҳудудлар билан ишлаш бўлими бошлиғи Бахтиёр Йўлдошев, федерациянинг Жиззах вилояти бўлими ижрочи директори Аббос Тохманов иштирокида вилоят мураббийлари бўлиб ўтган йиғилишда эришилаётган ютуқлар билан бир қаторда ечимини кутаётган муаммолар ва уларнинг ечими муҳокама қилинди.
Бундан ташқари, тренерларга дзюдочилар билан замонавий методлар асосида ишлаш, кюни ўргатиш, вилоят терма жамосини кучайтириш, ноябрь ойида ўтказиладиган катталар ўртасидаги Ўзбекистон чемпионатига пухта тайёргарлик кўриш лозимлиги айтилди.
Маълумот учун, бугунги кунда Жиззах вилоятида дзюдо билан шуғулланаётганлар сони 1000 нафардан ошган. Уларга Наргиза Азимова, Нигора Ҳидирова, Саодат Ҳайдарова, Марҳабо Киронбоева, Ирода Абдураҳмонова, Маҳкамбой Тожиев, Ислом Жуманов, Жаҳонгир Ашуров, Жасур Низомов сингари махсус сертификатга эга мураббийлар дзюдо сир-асрорларини ўргатиб келишмоқда.
