"Челси" бош мураббийи Энцо Мареска "Брайтон"га қарши ўйин натижаларини сарҳисоб қилди.
Лондон клуби Премьер-лиганинг 6-турида Коул Палмернинг покери эвазига 4:2 ҳисобида ғалаба қозонди.

“Бу яхши ўйин бўлди. Балки баъзи пайтларда қийналгандирмиз, лекин менимча, жамоа бундай ўйинни ўрганиши керак эди.

Мен тўпга кўпроқ эгалик қилишни афзал кўраман! Лекин ўйин бошида бироз қийналдик, тўпни рақибларга бердик, чунки улар бизни тактик жиҳатдан бироз ҳайратда қолдирди, лекин умуман олганда биз яхши эдик.

Мен Коул Палмерни кўп йиллардан бери биламан, у мен учун "Манчестер Сити U-23"да ўйнаган. Энг яхши томони шундаки, у шахс сифатида ўзгармаган.

Мен унга тўртта гол урганини айтдим, лекин у кўпроқ гол уриши мумкин эди. Мен доимо амбицияли бўлиш ва кўпроқ гол уриш учун ҳаракат қилиш кераклигини айтаман", - деди Мареска.