"Арсенал" бош мураббийи Микель Артета "Лестер"га қарши ўйин натижаларини сарҳисоб қилди.
Лондон клуби Премьер-лиганинг 6-турида 4:2 ҳисобида ғалаба қозонди.
“Мен жуда хурсандман, ўйиндан, жамоанинг муносабатидан ва бутун ўйин давомида устунлик қилганимиздан жуда мамнунман.
Кутилмаган тарзда иккита гол ўтказиб юборилганидан сўнг вазият ўта оғирлашганди, айниқса, жамоанинг қандай жавоб қайтаргани мени қувонтирди.
Биз, жумладан, томошабинлар ҳам ақл бовар қилмайдиган ҳиссий назоратни, доимо қилаётган ишимизга кучли ишончни ва охир-оқибатда ғалаба қозониш йўлини топиш учун жасоратни намоён қилдик", деди Артета.
