Войцех Шесни фаолиятини давом эттиришга тайёрланмоқда. 34 ёшли дарвозабон тез орада "Барселона" билан шартнома имзолайди ва шундан сўнг у ўйинларга индивидуал тайёргарликни бошлайди. Diario Sport хабарига кўра, польшалик душанба куни машғулотларга киришади. Футболчининг мақсади халқаро танаффус тугагунига қадар формага кириш. Агар ҳаммаси режадагидек кетса, Ханс-Дитер Флик тажрибали дарвозабонга 20 октябрь куни бўлиб ўтадиган "Севилья" билан ўйинда имкон бериши мумкин.

Войцех Шесни август ойи охирида футболчилик фаолиятини якунлади. Кетишдан олдин сўнгги етти йил давомида у "Ювентус"да ўйнаган.