Қанот ҳужумчиси Усмон Дембеле "ПСЖ"нинг "Арсенал"га қарши Чемпионлар лигаси умумий босқичи ўйинида иштирок эта олмайди. Бу ҳақда L'Equipe журналистлари хабар бермоқда.
Манбага кўра, бу қарор ташаббускори парижликлар бош мураббийи Луис Энрикедир. Лига 1 доирасидаги "Ренн"га қарши ўйиндан сўнг Дембеле ва мураббий ўртасида зиддият юзага келди.
Шу муносабат билан Энрике Усмонни бўлажак ўйинга жалб қилмасликка қарор қилди. "Арсенал" - "ПСЖ" учрашуви эртага, 1 октябрь куни Лондонда бўлиб ўтади.
Жорий мавсумда Дембеле барча турнирларда 7 та ўйин ўтказиб, 4 та гол ва 4 та голли узатмани амалга оширди.
