Якшанба куни Туркия чемпионати доирасида "Анталяспор" – "Фенербахче" учрашуви бўлиб ўтди. Жозе Моуриньо шогирдлари меҳмонда 2:0 ҳисобида ғалаба қозониб, уч очкони қўлга киритди. Иккинчи бўлим давомида "канарейкалар" жамоаси бош мураббийи Жозе Моуриньо ҳакам томонидан огоҳлантирилди. Португалиялик мураббий ноутбукни олиб, уни нотўғри деб ҳисоблаган ҳакам қарорини томошабинларга кўрсатиш учун камера олдига қўйди. Кўринишидан, айнан шу ҳаракати учун "Special One" карточка билан огоҳлантирилган.
Эслатиб ўтамиз, Жозе Моуриньо ўтган ёзда "Фенербахче" бош мураббийига айланганди. Айни дамда "канарейкалар" Суперлига турнир жадвалида иккинчи ўринда бормоқда.
