"Пахтакор" клуби мусобақа аутсайдери билан ўйинда жуда муҳим 2 очкодан маҳрум бўлди. Бунгача амалдаги чемпион икки марта мағлубиятга учраганини инобатга олсак, мавсум бошидаёқ йўқотилган 8 очко Мурод Исмоилов шогирдларига қимматга тушиши мумкин.

"Пахтакор" Зоминда ўтган ўйинда тўла ташаббусга эга бўлди, аммо вазиятларни голга айлантира олмади. Эҳтимол, бунга тошкентларнинг ОЧЛ плей-офф босқичига чиқа олишмагани натижасида юзага руҳий тушкунлик сабаб бўлгандир. Балки "Сўғдиёна" кучли рақибга қарши яхши тайёргарлик кўргандир.

"Пахтакор"га тушиб қолган вазият оддий эмаслиги тобора намоён бўлиб бормоқда. Клуб раҳбарияти вазиятдан чиқиб кетиш учун жиддий қарорларга қўл урмаса, жамоанинг устувор стратегиясини аниқлаб олиши керакка ўхшайди.

"Сўғдиёна" эса ушбу мавсумда Олий лигада қолиш учун кураш кечиши кутилаётган вазиятда муҳим бўлган 1 очкони қўлга киритди.

ОЛИЙ ЛИГА, 7-ТУР
«СЎҒДИЁНА» - «ПАХТАКОР»  - 0:0
Огоҳлантиришлар:  Жалил Кимсанов (90+3) — Темурхўжа Абдуҳолиқов (60)
«Сўғдиёна»: 1.Александр Меленчук (с), 2.Жаводулло Ибрагимов, 3.Илҳом Комилов (4.Асил Бегимқулов, 79), 5.Илёс Қурбонов ( 9.Хуршид Йўлдошев, 62), 6.Муроджон Тошматов, 13.Жалил Кимсанов, 18.Суҳроб Бердиев, 19.Сирож Ҳамроев, 22.Ориф Мамажонов(25.Сардор Қаҳҳоров,76), 24.Элёр Орипов 41.Аюбхон Нўъмонов.
«Пахтакор»: 12.Александр Лобанов, 3.Ғулом Ўрунов (4.Боян Миладинович,70), 5.Акбар Исматуллаев, 6.Мурод Холмуҳаммедов (38.Аббос Махсталиев, 63), 7.Кахи Махарадзе (с), 9.Темурхўжа Абдухолиқов, 10.Жора Оганесян(15.Жамшид Искандеров,46), 19.Игорь Сергеев, 23.Александр Мерзляков, 24.Даврон Ҳошимов, 29.Владимир Козак,
Ҳакамлар: З.Қодиров (Навоий), Р.Илёсов (Тошкент), М.Саидқосимов (Тошкент), В.Нажафалиев (Тошкент).