"Барселона" бош мураббийи Ханс-Дитер Флик "Атлетико" ва "Реал" ўртасидаги Мадрид дербиси ҳақида савол олди ва унга жавоб берди.

Хабарингиз бор, якшанба кунги ўйин мухлисларнинг ҳаракатлари туфайли бироз вақтга тўхтаб қолганди.

"Мен ўйинни кўрмадим ва нима бўлганини билмайман. Менимча, қоидабузарларни аниқлаш ва стадионларга киришни тақиқлаш керак.

Бу футболнинг бир қисми эмас, чунки мухлислар ўз жамоаларини қўллаб-қувватлашлари керак холос, бошқа ҳеч қандай ҳаракатга йўл қўйилмаслиги керак”, деди Флик душанба куни бўлиб ўтган матбуот анжуманида журналистларга.