Осиё Элит Чемпионлар Лигасининг 2-туридан ўрин олган дастлабки ўйинлари 30 сентябрь, душанба куни бўлиб ўтди.

“Пахтакор” сафарда “Персеполис” меҳмони бўлди. Учрашувнинг илк дақиқасидаёқ Али Алипур бурчак зарбасидан узатилган тўпни дарвозага жойлаб қўйди. Биринчи бўлимда "Пахтакор" кўплаб вазиятлар яратган бўлса-да, тўпни рақиб дарвозасига кирита олмади.

Иккинчи бўлимда “шерлар” фаолликни оширишди. 59-дақиқага ҳисобни тенглаштиришга муваффақ бўлди. Ҳожиакбар Алижоновнинг узатмасидан кейин Драган Черан аниқ зарба билан гол муаллифига айланди.

Шундан сўнг "Персеполис" олдинга ўта бошлади. Хусусан, Остон Ўрунов захирадан майдонга тушиб, жамоасининг ҳужумларини ташкил этишда фаол ҳаракат қилди. Аммо қолган дақиқаларда дарвозалар ишғол этилмади ва учрашув 1:1 ҳисобидаги дуранг билан якунланди.

1-турда “Пахтакор” “Ал-Васл”га 0:1 ҳисобида мағлубиятга учраган эди.

Элит чемпионлар лигаси, 2-тур баҳси
30 сентябрь, душанба
“Персеполис” – “Пахтакор” 1:1
Голлар: 1:0 — 1 Алипур, 1:1 — 59 Черан.
“Персеполис”: 1.Гендус, 11.Аҳмадзода (27.Меҳри, 58), 9.Алипур (31.Жоао, 58), 19.Амирий (10.Алкасир, 69), 20.Эл-Амлуд, 30.Гвелесиани, 6.Каноний, 77.Ходабанделу (21.Содиқий, 46), 4.Муҳаммадий, 7.Рафеий (70.Остон Ўрунов, 69), 5.Риги.
“Пахтакор”: 12.Владимир Назаров, 7.Ҳожиакбар Алижонов, 3.Шаҳзод Азмиддинов, 4.Абдулла Абдуллаев, 5.Муҳаммадқодир Ҳамралиев, 22.Умар Адҳамзода, 23.Абдурауф Бўриев, 27.Сардор Собирхўжаев, 17.Достон Ҳамдамов (11.Пўлатхўжа Холдорхонов, 73), 30.Отабек Жўрақўзиев (99.Улуғбек Ҳошимов, 73), 10.Драган Черан (40.Кими Мерк, 84).
Огоҳлантиришлар: Отабек Жўрақўзиев (3), Ходабанделу (23), Достон Ҳамдамов (45+1).