"Манчестер Сити" бош мураббийи Пеп Гвардиола рақибларга ҳурмат ҳақида гапирди.

Испаниялик мутахассис сешанба куни Братиславада бўлиб ўтадиган Чемпионлар лигаси доирасидаги "Слован"га қарши ўйин олдидан рақибларни паст баҳолаш мавзусини муҳокама қилди.

"Фаолиятим давомида ҳеч нарса ўз-ўзидан бўлмаслигини билиб олдим. Оммавий ахборот воситалари биз қанчалик буюк эканимизни айтса ҳам, биз ўз даражамизни исботлашимиз керак. Мен ҳар доим рақибларим ва ҳамкасбларим ҳақида жуда юқори фикрда бўлганман. "Барселона", "Бавария" ёки "Манчестер Сити"ни бошқарганим учун ўйинда ғалаба қозондик деб ҳеч ўйламаганман. Мен ҳар доим бизга қарши бўлганларни ҳурмат қилишга ҳаракат қиламан", - дея Гвардиоланинг сўзларини келтиради "City Xtra".