Миланнинг "Интер" клуби бош мураббийи Симоне Индзаги Чемпионлар лигасининг янги формати турнирни янада қизиқарли қилди, деб ҳисоблайди.

Жорий мавсумдан бошлаб иштирокчилар аввалгидек гуруҳларга бўлинмайдилар. Плей-оффга тўғридан-тўғри йўлланмалар умумий босқич натижаларига кўра энг кучли саккизта жамоага берилади, яна 16та жамоа плей-оффда ўйнайди.

"Чемпионлар лигасининг эски форматида икки турдан кейин гуруҳ босқичи натижаларини олдиндан айтиш мумкин эди. Янги формат билан ҳамма нарса қизиқарли ва мураккаблашди. Бизда қийин тақвим бор, биз ҳар бир алоҳида ўйинга бор эътиборимизни қаратишимиз керак", - дея сешанба куни "Црвена Звезда"га қарши уй учрашуви олдидан журналистлар саволларига жавоб берган Индзагидан иқтибос келтиради Fcinter1908.