"Бавария" ҳужумчиси Харри Кейн Чемпионлар лигаси доирасида "Астон Вилла"га қарши ўйин олдидан машғулотларда қатнашмади.

Душанба куни инглиз футболчиси умумий гуруҳда машғулот ўтказмади, унинг бўлажак ўйинда иштирок этиши сўроқ остида қолмоқда, дея хабар беради Bayern & Germany. Мюнхенликлар жамоасининг Бирмингемга учиш олдидан сўнгги машғулоти сешанба куни бўлиб ўтади - 31 ёшли форвард майдонга тушишга тайёрми ёки йўқми катта эҳтимол билан ўшанда аниқ бўлса керак.

Эслатиб ўтамиз, Харри Кейн яқинда Бундеслига доирасидаги "Байер"га қарши ўйинда (1:1) жароҳат олган эди. Учрашувнинг 86-дақиқасида Венсан Компани асосий футболчини алмаштиришга мажбур бўлди.