"Манчестер Юнайтед" бошқарувчиси Эрик тен Хаг ОАВ вакиллари билан "қизил иблислар"нинг жорий мавсумдаги ёмон ўйинлари ҳақида гапирди.
"Ёзда биргаликда ишлашни давом эттиришга қарор қилинди. Биз жамоани яхшилашимиз ва қуришимиз керак. Буларнинг барчаси вақт талаб этади. Ҳозир биз барчамиз бир қайиқдамиз – раҳбариятдан тортиб, майдондаги футболчиларгача", – дейди нидерландиялик мутахассис.
Англия чемпионатининг сўнгги ўйинида “қизил иблислар” ўз майдонида Лондоннинг “Тоттенхэм” жамоасига 0:3 ҳисобида имкониятни бой берди. Олти турдан сўнг манкунианликлар 7 очко билан АПЛ турнир жадвалида атиги 13-ўринни эгаллаб туришибди.
