"Брест" Чемпионлар лигасидаги иккита ғалаба учун 4,2 миллион евро ишлаб олади - бу клуб бюджетининг 8,75 фоизини ташкил қилади.

Франция клуби УEФА Чемпионлар лигасини “Штурм” (уйда, 2:1) ва “Ред Булл” (4:0, меҳмон) устидан қозонилган ғалабалар билан бошлади.

Бу босқичдаги ҳар бир ғалаба 2,1 миллион евро олиб келади. RMC Sport маълумотларига кўра, 2 ғалаба учун 4,2 миллион клубнинг йиллик операцион бюджети 48 миллион евронинг 8,75 фоизини ташкил қилади.

Шунингдек, 4,2 миллион евро брестлик футболчиларнинг олти ойлик умумий маоши (ойлик иш ҳақи фонди 700 минг еврога баҳоланган) эквиваленти эканлиги қайд этилган.

Ўтган мавсумда "Брест" Лига 1да 3-ўринни эгаллаган. Жорий мавсумда жамоа 6 ўйиндан кейин 6 очко билан турнир жадвалида 13-ўринда бормоқда.