УЕФА Чемпионлар лигаси умумий босқичи 2-тури доирасида Лондоннинг «Арсенал» жамоаси ўз майдонида «ПСЖ»ни қабул қилиб, 2:0 ҳисобида ғалаба қозонди. «Канонирлар» бош мураббийи Микель Артета ушбу учрашув ҳақида гапирди.
“Жамоамизнинг ўйинидан мамнунман. Биз кучли рақибга қарши турдик. Биринчи бўлимда устунликка эга бўлдик ва кўплаб вазиятлар яратдик, аммо танаффусдан кейин ўйин ўзгарди. Биз кутилганидан ҳам кўпроқ иш қилдик. Бу турнирда талаблар юқорироқ. Ўйлайманки, «Арсенал» бу қийинчиликни яхши бажарди", - деди испаниялик мутахассис.
