"Манчестер Сити" ярим ҳимоячиси Матеус Нунес муаммога дуч келди.
Португалиялик Мадриддаги тунги клублардан бирида ҳибсга олинган, деб хабар беради El Mundo. Воқеа миллий терма жамоалар ўйинларидаги сўнгги танаффус вақтида, яъни 8 сентябрь куни содир бўлган.
Полиция тунги клубга 58 ёшли эркак қўнғироқ қилганидан кейин етиб келган. Унинг таъкидлашича, Нунес унинг уяли телефонини ўғирлаган.
“Манчестер Сити” футболчисида аслида бошқа бировнинг смартфони борлиги аниқланган. Нунес полиция бўлимига олиб кетилган ва у ерда кўрсатма берган. Кейин Нунес гаров эвазига озод қилинди.
