"Manchester Siti" yarim himoyachisi Mateus Nunes muammoga duch keldi.
Portugaliyalik Madriddagi tungi klublardan birida hibsga olingan, deb xabar beradi El Mundo. Voqea milliy terma jamoalar o‘yinlaridagi so‘nggi tanaffus vaqtida, ya’ni 8 sentyabr kuni sodir bo‘lgan.
Polisiya tungi klubga 58 yoshli erkak qo‘ng‘iroq qilganidan keyin yetib kelgan. Uning ta’kidlashicha, Nunes uning uyali telefonini o‘g‘irlagan.
“Manchester Siti” futbolchisida aslida boshqa birovning smartfoni borligi aniqlangan. Nunes polisiya bo‘limiga olib ketilgan va u yerda ko‘rsatma bergan. Keyin Nunes garov evaziga ozod qilindi.
