"Арсенал" бош мураббийи Микель Артета Чемпионлар лигаси гуруҳ босқичи 2-тури доирасидаги "ПСЖ"га қарши ўйинда ҳужумчи Кай Хаверцнинг ўйини ҳақида фикр билдирди. Эслатиб ўтамиз, германиялик ўйиндаги биринчи голни киритиб, “канонирлар”нинг 2:0 ҳисобида ғалаба қозонишига ёрдам берди.
"У бир вақтнинг ўзида ақлли ва кучлидир. Унинг жой эгаллаши ва жамоани бирлаштириши ақл бовар қилмайди. Ҳаверц жарима майдончаси атрофида бўлганида, сиз унинг гол уришини ҳис қиласиз", - деди Артета матбуот анжуманида.
Ҳаверц Англия Премьер-лигасининг жорий мавсумида 3 та гол урди ва 1 та голли узатмани амалга оширди.
