Сешанба оқшомида Дортмунднинг «Боруссия» клуби Чемпионлар лигаси доирасида «Селтик»ни 7:1 ҳисобида мағлуб этди. Ўйин давомида «асаларилар» мухлислари УЕФА ишидан норози эканликларини билдиришди. Кўринишидан, «Боруссия» мухлисларига Чемпионлар лигасининг гуруҳ босқичи ўрнига умумий лига ўтказилган янги форматдаги ўйин ёқмаяпти.
«УЕФА - бу мафия», «Сизни спорт қизиқтирмайди - сиз фақат пул ҳақида қайғурасиз», «Ўйинни қайтариб беринг» - бундай баннерларни «Боруссия» фаол мухлислари тақдим этишди.
Энди «Боруссия» УЕФА томонидан санкцияларга дуч келиши мумкин.
