Усмон Дембеле «Ницца»га қарши ўйинда «ПСЖ» таркибига қайтади.
Қанот футболчиси Луис Энрикенинг қароридан сўнг Чемпионлар лигасида «Арсенал»га қарши ўйинни (2:0) ўтказиб юборди. Хабар қилинишича, Дембеле ва «ПСЖ» бош мураббийи ўртасида можаро келиб чиққан, бироқ Энрике бу маълумотни инкор этган ва Дембеленинг қайдномадан четлаштирилишини «жамоа олдидаги мажбуриятларни бажармагани» билан изоҳлаган.
"RMC Sport" хабарига кўра, можарога Энрикенинг Лига 1нинг «Ренн»га қарши ўйинидаги танаффус вақтида Дембелени танқид қилгани сабаб бўлган - «ПСЖ» бош мураббийига Усмоннинг жарима майдончаси яқинидаги ҳаддан ташқари кўп техника кўрсатиши ёқмаган. Орадан бир неча кун ўтиб вингер жамоа машғулотларига ҳам кечикди.
Хабар қилинишича, Дембеле ва Энрике вазиятни муҳокама қилишган ва вингер пайшанба куни жамоа билан машғулотларга қайтади. Усмон ушбу якшанба куни «Ницца»га қарши Лига 1 ўйинида «ПСЖ» таркибида бўлиши кутилмоқда.
