Машҳур собиқ ҳимоячи ва "Марсел"нинг ҳозирги спорт директори Меҳди Бенатиа "Лион"га қарши дерби вақтида ҳакамлар ишини танқид қилди.
"Марсель" ҳимоячиси Леонардо Балерди учрашувнинг дастлабки 5 дақиқасида иккита сариқ карточка олиб, майдондан четлатилди.
"Биринчи бўлимда ва бутун ўйин давомида жуда кўп шубҳали лаҳзалар бўлди. Жаноб Бастьен бизга қарши ҳакамлик қилишини кўриб, хавотирга тушдик", - деди Бенатия ўйиндан кейин.
Ушбу баёнотлари учун LFP интизом комиссияси Меҳдини учта ўйинга дисквалификация қилди.
Эслатиб ўтамиз, бир киши кам бўлиб қолганига қарамай, марселлик футболчилар 3:2 ҳисобида зафар қучганди.
