Mashhur sobiq himoyachi va "Marsel"ning hozirgi sport direktori Mehdi Benatia "Lion"ga qarshi derbi vaqtida hakamlar ishini tanqid qildi.
"Marsel" himoyachisi Leonardo Balerdi uchrashuvning dastlabki 5 daqiqasida ikkita sariq kartochka olib, maydondan chetlatildi.
"Birinchi bo‘limda va butun o‘yin davomida juda ko‘p shubhali lahzalar bo‘ldi. Janob Bastyen bizga qarshi hakamlik qilishini ko‘rib, xavotirga tushdik", - dedi Benatiya o‘yindan keyin.
Ushbu bayonotlari uchun LFP intizom komissiyasi Mehdini uchta o‘yinga diskvalifikasiya qildi.
Eslatib o‘tamiz, bir kishi kam bo‘lib qolganiga qaramay, marsellik futbolchilar 3:2 hisobida zafar quchgandi.
