"Манчестер Юнайтед"нинг собиқ дарвозабони Петер Шмейхель бугунги кунда Англия Премьер-лигасининг энг яхши дарвозабони ким эканлиги ҳақида фикр билдирди. Даниялик собиқ посбон "Манчестер Сити" дарвозабони Эдерсонни танлади.
"Эдерсон - Премьер-лиганинг энг яхши дарвозабони. У катта сейвлар ва яккама-якка вазиятларни амалга оширишда ажойиб. Алиссон оёқлари билан унчалик яхши эмас. У Эдерсон билан сиз кўрмаган хатоларга йўл қўяди. Бу уларни бир-биридан ажратиб турадиган ягона нарса", - деди ШмейхельStick To Football нашрига.
Эдерсон 2017 йилнинг ёзидан буён "Манчестер Сити"да ўйнамоқда. Ўшандан бери бразилиялик посбон "шаҳарликлар" сафида 340 та ўйин ўтказиб, 264 та гол ўтказиб юборган.
