«Манчестер Юнайтед» бош мураббийи Эрик тен Хаг Европа лигасининг «Порту»га қарши ўйинида (3:3) Маркус Рэшфорднинг ўйин давомида алмаштирилганига изоҳ берди.
«Рэшфорд яхши, муаммо йўқ, бизга бироз ротация керак. Бундан ташқари, Гарначо бизнинг ҳужумдаги яхши савиядаги футболчиларимиздан биридир. Якшанба куни бизга соғ футболчилар керак, ҳаммаси режада.
Менимча, бугун биз чап қанотда жуда ёмон ҳимояландик ва бунда Рэшфорднинг ҳиссаси бор. Лекин айтганимдек, алмаштириш кўпроқ Гарначони тушириш қарорига боғлиқ. Менинг Маркусга ҳеч қандай эътирозим йўқ», - деди Тен Хаг.
