Франция терма жамоаси бош мураббийи Дидье Дешам УЕФА Миллатлар лигасининг октябрь ойидаги ўйинлари учун қайдномада ҳужумчи Килиан Мбаппенинг йўқлигига изоҳ берди.
"Унинг енгил жароҳати бор ва яхши тикланиши учун даволаниш керак. Таваккал қилиш керак эмас. Шунинг учун Килиан (қайдномада) йўқ.
Мен Килианнинг (Франция терма жамоасига) содиқлигига шубҳа қилмайман, лекин у сўнгги (сентябрь) йиғинида энг яхши формада эмас эди", - дея Дешам сўзларини келтиради Goal.
Сентябрь ойи охирида Мбаппе мушакларидан жароҳат олди, шу сабабли у "Реал"нинг сўнгги ўйинларини ўтказиб юборди.
