Франциянинг "ПСЖ" клуби ҳимоячиси Лукас Беральдо фаолиятини Англия Премьер-лигасида давом эттириш имкониятига эга. Бу ҳақда Tribal Football нашри хабар бермоқда.
Журналистларнинг ёзишича, 20 ёшли футболчининг хизматларига Лондоннинг “Челси” клуби қизиқиш билдирмоқда. Transfermarkt маълумотларига кўра, Бералдонинг бозор нархи 30 миллион еврони ташкил қилади.
Ҳимоячи ва Париж гранди ўртасидаги амалдаги меҳнат шартномаси муддати 2028 йилнинг июн ойи охиригача ҳисобланади. Франция чемпионатининг жорий мавсумида бразилиялик футболчи бешта ўйинда иштирок этди.
