Мадриднинг "Реал" клуби марказий ҳимоячиси Антонио Рюдигер Томас Тухель футболчининг фаолиятига қанчалик таъсир қилганини айтди.
Эслатиб ўтамиз, ҳимоячи германиялик мутахассис қўл остида 2021 йилда Лондоннинг “Челси” жамоаси таркибида Чемпионлар лигасида ғолиб чиққанди.
"Франк Лэмпард қўл остидаги мавсум "Челси"даги энг қийин бўлди. Томас Тухель мени майдонга тушириб, муҳим роль ўйнатиб, менга ишонч бағишлади. Мен унга майдондаги ўйиним билан миннатдорчилик билдиришга ҳаракат қилдим" - деди Рюдигер Inside Scoop подкастида.
Тухель ҳозирда ишсиз. Ёзда мураббий ўтган мавсумда сўнгги 11 йилда илк бор бирор соврин юта олмаган "Бавария"ни тарк этди.
