Дани Ольмо халқаро танаффусдан сўнг "Барселона" таркибига қайтади.
26 ёшли ярим ҳимоячи Ла Лиганинг 5-туридан ўрин олган "Жирона"га қарши ўйинда сонидан жароҳат олгани учун алмаштирилди.
Marca нашри хабарига кўра, халқаро танаффус вақтида Ольмо "Бавария" (23 октябрь) ва "Реал" (26 октябрь)га қарши ўйинларга тўлиқ тайёргарлик кўриш учун жамоа билан машғулотларга қайтади.
Клуб уни 20 октябрь куни "Севилья"га қарши ўйинда захирадан майдонга тушишини ва бир неча дақиқа ўйнашини кутмоқда.
Жорий мавсумда Ольмо “Барселона” сафида 3 та ўйинда майдонга тушиб, 3 та гол урди.
