"Челси" бош мураббийи Энцо Мареска клубдаги вазият ҳақида гапирди.
"Кўклар” италиялик бошчилигида мавсумни анча муваффақиятли бошлади: жамоа ҳозирда 13 очко билан АПЛ турнир жадвалида пешқадам “Ливерпул”дан атиги икки очко ортда қолган ҳолда тўртинчи ўринда бормоқда.
"Албатта, ҳозир “Челси” атрофида шовқин камроқ бўлишига натижалар ёрдам беради. Лекин мен назорат қила оладиган ягона нарса бу футбол жиҳати.
Мен клуб атрофидаги шов-шувларга ҳеч қандай таъсир ўтказа олмайман", - дея Мареска сўзларини келтиради журналист Фабрицио Романо.
Якшанба куни лондонликлар ўз майдонида "Ноттингем Форест"га қарши баҳс олиб боради.
