"Манчестер Юнайтед" сардори Бруну Фернандеш мухлисларга мурожаат қилди. Ярим ҳимоячи кетма-кет иккита ўйинда майдондан четлатилди.

Ўтган ҳафта “қизил иблислар” “Тоттенхэм”га мағлуб бўлди (0:3), пайшанба куни “Порту” билан дуранг ўйнади.

"Жамоа ва шахсан мен учун қийин пайт. Клубда ишлаганимга деярли беш йил бўлди, ортда паст-баланд, яхши ва ёмон кунлар бор.

Фаолиятим давомида қийинчиликлар пайдо бўлди, лекин мен ҳеч қачон бундай дақиқаларда масъулиятдан яширишга ҳаракат қилмаганман. Биламан, бу кулгили туюлади ва кўпчилик “Юнайтед” мухлислари бундан чарчаган, аммо мендан кўра ҳеч кимнинг ҳафсаласи пир бўлгани йўқ", — деб ёзди португалиялик ижтимоий тармоқларда.