"Барселона" ҳужумчиси Роберт Левандовски мавсум бошида ишончли ўйин кўрсатди. 36 ёшли футболчи ушбу мавсумда ўнта ўйинда майдонга тушиб, 9та гол урди ва иккита голли узатмани амалга оширди.

Кўринишидан, Каталония клуби поляк узоқ вақт давомида юқори савияли ўйин кўрсатишга қодир, деган қарорга келган, шу боис келаси йили янги асосий форвард сотиб олиш режалари йўқ, деб хабар беради Sport.es

"Барселона" келаси мавсумда Робертга ишонишга тайёр. Левандовскининг шартномаси 2026 йилнинг ўрталарига қадар амал қилади.