"Манчестер Сити" бош мураббийи Пеп Гвардиола Родрининг яқинда олган жароҳати жамоа футболчиларида қўрқув уйғотмаганини айтди.
Испаниялик ярим ҳимоячи 22 сентябрь куни бўлиб ўтган "Арсенал"га қарши ўйинда жароҳат олганди. Кейинчалик маълум бўлишича, "шаҳарликлар" етакчиси бу мавсумда бошқа ўйнай олмайди - унга хоч боғлами ёрилиши ташхиси қўйилган.
"Футболчиларимиз бундай жароҳат олишдан қўрқишяптими? Улар бу ҳақда ўйламайдилар. Нима содир бўлади. Хавотирланишга ҳожат йўқ, фақат танангизни яхши тайёрланг. Ўйинчи ёмон тайёрланса, хавф ортади. Футболчиларимиз бундай вазиятларга руҳий жиҳатдан ҳам яхши тайёргарлик кўришган", - деди Гвардиола шанба кунги "Фулхэм"га қарши ўйин олдидан ўтказилган матбуот анжуманида.
