"Барселона" бош мураббийи Ханс-Дитер Флик Роберт Левандовски ва Ламин Ямал ҳақида ўз фикрини айтди.
Немис мутахассиси Чемпионлар лигаси доирасидаги "Янг Бойз"га (5:0) қарши ўйиннинг 75-дақиқасида ҳар икки футболчини алмаштирди. Бу вақтга келиб каталонияликлар 4:0 ҳисобида олдинда бораётганди, бироқ жамоанинг ҳужум етакчилари алмаштирилганидан норози бўлди.
"Улар алмаштиришлардан норозимиди? Бу зарур эди. Левандовски ва Ямал қароримни қабул қилишлари керак эди ва улар буни қабул қилишди. Улар ижобий фикрда ва буни эртага майдонда кўрсатишади", - деди Флик "Алавес" билан Ла Лига ўйини олдидан ўтказилган матбуот анжуманида.
