Бугун Бирмингемнинг “Астон Вилла” ва “Манчестер Юнайтед” жамоалари ўртасидаги ўйин “қизил иблислар” устози Эрик тен Хаг учун охиргиси бўлиши мумкин. Бу ҳақда ESPN журналистлари хабар бермоқда. Мураббий мағлуб бўлса ишдан бўшатилиши мумкин.
Англия чемпионатининг 7-туридан ўрин олган “Астон Вилла” – “Манчестер Юнайтед” учрашуви Бирмингемдаги стадионда бўлиб ўтади. Учрашув бошланиш ҳуштаги Тошкент вақти билан 18:00 да янграйди.
Ушбу ўйин арафасида “қизил иблислар” етти очко жамғариб, турнир жадвалининг 14-поғонасида бормоқда. Эслатиб ўтамиз, 54 ёшли мутахассис 2022 йилнинг ёзидан буён "Манчестер Юнайтед" бош мураббийи лавозимида ишлаб келаётганди.
