Мадриднинг "Реал" клуби Дани Карвахалнинг жароҳатини тасдиқлади.
Ла Лига доирасида "Вильярреал"га қарши ўйиннинг 93-дақиқасида (2:0) "Реал" ҳимоячиси Дани Карвахаль Йереми Пино билан курашда тўпни олиб қўйишга уриниб, уни орқа томондан чаноқ қисмига зарба берди ва шу заҳотиёқ майдонга йиқилди. У ўнг тиззасини чангаллаб йиғлади. 32 ёшли испаниялик футболчи майдонни фақат замбилда тарк эта олди.
"Реал Мадрид" тиббий хизмати томонидан ўтказилган текширувдан сўнг, Карвахалнинг олди хоч бурмаси йиртилгани, ташқи таянч боғлами йиртилгани ва ўнг оёғининг сон пайчаси йиртилгани аниқланди. У яқин кунларда операция қилинади", — дейилади "Реал" хабарида.
