"Реал" ва "ПСЖ"даги ўйинлари билан танилган ҳужумчи Хесе Родригес Малайзия чемпионатидан "Жоҳор Дарул Такзим" клубига ўтгани ҳақида гапирди.
"Футбол менга бераётган имкониятлардан хурсандман. Малайзиядаги янги саргузаштим бошланади. Ишонаманки, биз биргаликда муваффақиятга эришамиз. Мен фаолиятимни бошлашни интиқлик билан кутяпман. Ишончингиз учун ташаккур", - деб ёзган испаниялик ҳужумчи ижтимоий тармоқларда.
Хесе "Лос Бланкос" асосий жамоаси таркибида 94 та ўйин ўтказиб, 18 та гол ва 15 та голли узатмани амалга оширган. У икки марта УEФА Чемпионлар лигасида ғолиб чиқди, шунингдек, Ла Лига чемпиони ва Испания кубоги ғолибига айланди.
